1.山歌毋唱毋記得，老路毋行會生塞，
十七十八毋打扮，老來打扮看毋得。

2.河邊石子生溜苔，思想阿妹毋得來，
七吋枕頭眠三吋，留開四吋等妹來。

3.毋過汶水毋知深，毋知父母麼個心，
燈芯拿來兩頭點，正知父母一般心。

4.想起阿妹實在難，愛有閒工愛有閒，
阿妹想哥隔層紙，阿哥想妹隔層山，

5.思想阿妹千百番，一日毋得一日還，
上晝毋得下晝過，下晝毋得日落山。